نیویارک(روشن پاکستان نیوز) بین الاقوامی دوروں میں ٹکٹوں سے 2 ارب ڈالر کمانے والی معروف امریکی گلوکارہ ٹیلر سوئفٹ نے اپنے عملے کو 19 کروڑ 70 لاکھ ڈالر کا بونس دے دیا۔
غیر ملکی خبر رساں ادارے کی رپورٹ کے مطابق 36 سالہ گلوکارہ نے 21 ممالک میں 149 کنسرٹ کیے تھے، ٹیلر سوئفٹ نے اپنے عملے کو بونس کے ساتھ اظہار تشکر کا خط بھی دیا۔
مزید پڑھیں: اپنے ماضی کیلئے کوئی نصیحت نہیں، ماضی کی ماہرہ کو صرف گلے لگانا چاہوں گی: اداکارہ
گلوکارہ کی جانب سے 197 ملین ڈالر بونس کے اعلان پرعملے کی آنکھوں میں خوشی کے آنسو امڈ آئے، دلچسپ بات یہ ہے کہ ٹیلر سوئفٹ نے ٹرک ڈرائیوروں کو بھی ایک لاکھ ڈالر دیئے ہیں۔
امریکی گلوکارہ کی فراخدلی کو موسیقی کی دنیا میں ایک غیر معمولی اور مثالی اقدام قرار دیا جا رہا ہے۔
