اسلام آباد(روشن پاکستان نیوز) بنگلادیش پریمیئر لیگ (بی پی ایل) کے لیے 9 قومی کرکٹرز کو این او سی جاری کر دیے گئے۔

پاکستان کرکٹ بورڈ (پی سی بی) نے اب تک کی این او سی فہرست اپ ڈیٹ کر دی ہے۔ بی پی ایل کے لیے قومی کرکٹرز کو 23 جنوری 2026 تک این او سی جاری کیے گئے ہیں۔

ان کرکٹرز میں تین بڑے نام محمد نواز، فہیم اشرف اور صاحبزادہ فرحان شامل ہیں۔

مزید پڑھیں: ون ڈ ے کرکٹ میں سب سے زیادہ چھکے ، روہت شرما نے شاہد آفریدی کا ریکارڈ توڑ دیا

اس کے علاوہ حسین طلعت، احسان اللّٰہ، حیدر علی، ابرار احمد، خواجہ نافع اور سلمان ارشاد کو این او سی جاری کیا گیا ہے۔

واضح رہے کہ بنگلادیش پریمیئر لیگ 26 دسمبر سے 24 جنوری تک کھیلی جانی ہے۔