اسلام آباد(روشن پاکستان نیوز) ویرات کوہلی نے سچن ٹنڈولکر کا سب سے زیادہ سنچریوں کا عالمی ریکارڈ توڑ کر تاریخ رقم کر دی۔
بھارتی بلے باز ویرات کوہلی نے جنوبی افریقہ کے خلاف پہلے ون ڈے میں شاندار کارکردگی دکھاتے ہوئے سنچری اسکور کی۔
اس سنچری کے ساتھ ہی انہوں نے سچن ٹنڈولکر کی 51 سنچریاں کا ریکارڈ توڑ دیا، یہ ویرات کوہلی کی 52 ویں سنچری تھی۔
اس سنچری کے ساتھ وہ ایک فارمیٹ میں سب سے زیادہ سنچریاں بنانے والے کھلاڑی بن گئے ہیں، اس سے قبل یہ ریکارڈ معروف کھلاڑی سچن ٹنڈولکر کے پاس تھا۔
مزید پڑھیں: اٹھارہویں ترمیم اور این ایف سی ایوارڈ کے ساتھ کھیلنے والے آگ کے ساتھ کھیل رہے ہیں: بلاول
یہ ویرات کوہلی کی 83 ویں بین الاقوامی سنچری تھی، جس میں ٹیسٹ، ون ڈے اور ٹی 20 فارمیٹس شامل ہیں۔ ویرات کوہلی نے جنوبی افریقہ کے خلاف چھٹی مرتبہ ون ڈے سنچری بنانے کا اعزاز بھی حاصل کیا۔
ویرات کوہلی نے جنوبی افریقا کے خلاف 32 میچوں میں 6 سنچریاں بنائی ہیں، سچن ٹنڈولکر 5 سنچریوں کے ساتھ دوسرے اور گیری کرسٹن 4 سنچریوں کے ساتھ تیسرے نمبر پر موجود ہیں۔
یہ ویرات کوہلی virat kohli کی رانچی میں تیسری سنچری تھی جس کے بعد وہ بھارت میں کسی ایک میدان پر سب سے زیادہ سنچریاں بنانے والے بیٹر بھی بن گئے ہیں۔ ویرات کوہلی نے عالمی سطح پر سب سے زیادہ سنچریاں بنانے کا اعزاز حاصل کر لیا ہے۔
