اسلام آباد(روشن پاکستان نیوز) پی سی بی نے ون ڈے کے لئے محمد رضوان کی سلمان علی آغا کو کپتان بنانے کی تردید کر دی ہے۔
پاکستان کرکٹ بورڈ نے ان خبروں کی سختی سے تردید کی ہے کہ پاکستان کرکٹ بورڈ ون ڈے کیلئے محمد رضوان کی جگہ سلمان علی آغا کو کپتان بنانے اور ٹیسٹ میچوں میں شان مسعود کی جگہ سعود شکیل کو کپتان بنانے پر غور کر رہا ہے۔
پی سی بی کا کہنا ہے کہ تا حال نہ تو سلیکشن کمیٹی میں یہ معاملہ زیر غور آیا ہے اور نہ ہی کسی کھلاڑی کے کنٹریکٹ کی کیٹیگری تبدیل کی گئی ہے، اس حوالے سے تمام تر خبریں بے بنیاد ہیں۔
واضح رہے کہ سوشل میڈیا پر ون ڈے ٹیم کے لئے محمد رضوان کی جگہ سلمان آغا اور ٹیسٹ ٹیم کے لئے شان مسعود کی جگہ سعود شکیل کو کپتان بنائے جانے کی خبریں زیر گردش تھیں۔
مزید پڑھیں: وہیل چیئر پر آنے تک کرکٹ کھیلتا رہوں گا، شعیب ملک
