سڈنی(روشن پاکستان نیوز)  آسٹریلیا نے پہلے ٹی ٹوئنٹی میچ میں ویسٹ انڈیز کو 3 وکٹوں سے شکست دے دی۔

آسٹریلیا نے ٹاس جیت کر ویسٹ انڈیز کو بیٹنگ کی دعوت دی، ویسٹ انڈیز کی جانب برینڈن کنگ اور شائے ہوپ نے اننگز کا آغاز کیا۔

برینڈن کنگ 18 رنز بنا کر آؤٹ ہوئے، 123 کے مجموعی اسکور پر ویسٹ انڈیز کی دوسری وکٹ گری روسٹن 60 رنز بنا کر آؤٹ ہوئے۔

اس کے علاوہ شائے ہوپ 55، شیمرون 38 رنز بنا کر نمایاں رہے، ان کے بعد آنے والے کھلاڑی خاطر خواہ کارکردگی نہ دکھا سکے اور جلد آؤٹ ہوتے گئے، ویسٹ انڈیز نے مقررہ 20 اوورز میں 8 وکٹوں کے نقصان پر 189 رنز بنائے۔ اس طرح آسٹریلیا کو 190 رنز کا ہدف ملا۔

مزید پڑھیں: پاکستان کرکٹ لیگ کا جدہ میں شاندار افتتاح، جاوید میانداد اور قونصل جنرل خالد مجید کی شرکت

آ سٹریلیا کی جانب سے مچل مارش 24، کیمرون گرین 51 اور مچل اون 50 رنز بنا کر نمایاں رہے۔ آسٹریلیا نے مطلوبہ ہدف 18.5 اوورز میں 7 وکٹوں کے نقصان پر پورا کر لیا۔