راولپنڈی(روشن پاکستان نیوز) آرمی چیف جنرل عاصم منیر سے بحرین کے کمانڈر نیشنل گارڈ جنرل شیخ محمد بن عیسیٰ بن سلمان الخلیفہ نے ملاقات کی ، جس میں باہمی دلچسپی کے امور اور علاقائی سکیورٹی کی صورتحال پر تبادلہ خیال کیا گیا۔
آئی ایس پی آر کے مطابق ملاقات میں میں دو طرفہ عسکری تعاون کو مزید فروغ دینے کے مواقع پر بھی بات چیت ہوئی۔
آرمی چیف جنرل عاصم منیر نے مشترکہ سکیورٹی چیلنجز سے نمٹنے کی اہمیت کو اجاگر کیا اور خطے میں امن و استحکام کے فروغ کے لیے تعاون میں اضافے کی اہمیت پر بھی روشنی ڈالی۔
بحرین کے نیشنل گارڈ کمانڈر نے پاکستان کی مسلح افواج کی پیشہ ورانہ صلاحیتوں کو سراہا اور پاک فوج کی دہشتگردی کے خلاف کوششوں کی تعریف کی۔
مزید پڑھیں: دہشتگردی کے پیچھے منظم غیر قانونی اسپیکٹرم ہے ، آرمی چیف
