اتوار,  09 مارچ 2025ء
بھارتی اداکار تھلاپتی وجے کی افطار پارٹی، روزہ رکھ کر باجماعت نماز میں شرکت

ممبئی(روشن پاکستان نیوز) بھارت کے معروف اداکار تھلاپتی وجے نے رمضان المبارک میں ہزاروں افراد کی افطار پارٹی کی جس کی ویڈیو سوشل میڈیا پر وائرل ہو رہی ہے۔

ساؤتھ کے سپر اسٹار تھلاپتی وجے نے 7 مارچ کو چنئی میں رمضان کے مقدس مہینے کے دوران افطار پارٹی کی میزبانی کی، جہاں وہ ٹوپی پہنے اور حاضرین کے ساتھ نماز میں شرکت کرتے ہوئے نظر آئے جس کی ویڈیو سوشل میڈیا پر وائرل ہو رہی ہے۔

افطار پارٹی میں انہوں نے نہ صرف روزہ رکھا بلکہ مسلمانوں کی طرح سفید لباس پہن کر اور سر پر ٹوپی رکھ کر باجماعت نماز بھی ادا کی۔ ان کی یہ دعوت افطار 7 مارچ کو چنائی میں واقع گراؤنڈز پر منعقد ہوئی، جہاں مقامی مسلم کمیونٹی کے ہزاروں افراد نے شرکت کی۔

بھارتی میڈیا رپورٹس کے مطابق اداکار تھلاپتی وجے نے اپنی سیاسی جماعت بنائی ہے اور اس کا نام تامیلاگا ویٹری کازگام ہے، اداکار نے چنئی میں پارٹی کی جانب سے افطار کا اہتمام کیا۔

بھارتی میڈیا کا کہنا ہے کہ اس افطار پارٹی میں ہزاروں افراد نے شرکت کی، دعوت افطار میں تھلاپتی وجے خود بھی موجود رہے اور اس دوران انہوں نے روایتی لباس اور سر پر ٹوپی پہن رکھی تھی۔

سوشل میڈیا پر وائرل ہونے والی ویڈیو میں دیکھا جاسکتا ہے کہ تقریب میں قرآن پاک کی تلاوت بھی کی گئی اور دعائیں بھی مانگی گئیں، تھلاپتی وجے نے مسلمانوں کے ساتھ افطار بھی کیا، عیسائی مذہب سے تعلق رکھنے والے اداکار باجماعت ادا کی گئی نماز مغرب میں بھی شامل ہوئے۔

مزید پڑھیں: رمضان افطار اسپیشل: پنیر رائس کٹلس، رمضان کی خصوصی ریسیپی

خیال رہے کہ تھلاپتی وجے کا شمار بھارت کے سب سے زیادہ معاوضہ لینے والے اداکاروں میں ہوتا ہے جنہوں نے ایک فلم کیلئے 275کروڑ بھارتی روپے معاوضہ لیا۔

خیال رہےکہ تھلاپتی وجےکا شمار بھارت کے سب سے زیادہ معاوضہ لینے والے اداکاروں میں ہوتا ہے جنہوں نے ایک فلم کیلئے 275 کروڑ بھارتی روپے معاوضہ لیا۔

مزید خبریں