اسلام آباد(روشن پاکستان نیوز) احتساب عدالت لاہور نے چودھری پرویز الٰہی کو ترقیاتی منصوبوں میں کک بیکس لینے کے ریفرنس میں پیشی سے مستقل استثنیٰ دے دیا ہے۔
چودھری پرویز الٰہی کی درخواست پر احتساب عدالت کے جج قیصر نذیر بٹ نے یہ فیصلہ دیا، اب سابق وزیراعلیٰ پنجاب کی جگہ ان کے نمائندے انوار حسین عدالت پیش ہوا کریں گے۔
واضح رہے کہ جج زبیر شہزاد کیانی ترقیاتی منصوبوں میں کک بیکس لینے کے ریفرنس پر سماعت کر رہے تھے لیکن ان کے تبدیل ہونے کی وجہ سے ڈیوٹی جج قیصر نذیر جٹ نے کارروائی کی۔
مزید پڑھیں: عمران خان کی رہائی کیلئے اسٹیبلشمنٹ سے معافی مانگنے کا سوال ہی پیدا نہیں ہوتا ، بیرسٹر گوہر
سابق وزیراعلیٰ پنجاب کو احتساب عدالت نے بیماری کی وجہ سے مستقل پیشی سے استثنیٰ دیا۔عدالت نے ہدایت کرتے ہوئے کہا کہ نئے جج کے تقرر تک نیب کے گواہوں کو طلب نہ کیا جائے، بارہ مارچ کو ریفرنس پر مزید کارروائی ہوگی۔
