اسلام آباد (روبینہ ارشد) آرمی چیف جنرل سید عاصم منیرکا کہنا ہے کہ مجھے کسی کا کوئی خط نہیں ملا،اگرخط ملا بھی تو وزیراعظم کو بھجوا دوں گا۔

وزیراعظم ہاؤس میں ترک صدر کے اعزاز میں ظہرانے کی تقریب میں صحافیوں سے غیر رسمی بات چیت کرتے ہوئے انہوں نے کہا کہ پاکستان آگے بڑھ رہا ہے اور پاکستان کو آگے بڑھنا ہے،پاکستان میں ترقی ہو رہی ہے۔

مزید پڑھیں: سیف کراس کنٹری ایتھلیٹکس چمپیئن شپ 23 فروری کو اسلام آباد میں منعقد ہو گی

قبل ازیں سیکیورٹی ذرائع نے بھی اس بات کی تصدیق کی تھی کہ بانی پی ٹی آئی عمران خان کی جانب سے کوئی خط نہیں ملا،اسٹیبلشمنٹ کو ایسے کسی بھی خط میں کوئی دلچسپی نہیں ہے۔

پی ٹی آئی نے خط کے نام پر ایک اور ناکام ڈرامہ کرنے کی کوشش کی ،اگر پی ٹی آئی کو کسی بھی معاملے پر بات کرنی ہے تو سیاستدانوں سے کرے۔