دینہ ( روشن پاکستان نیوز) ضلع جہلم کی تحصیل دینہ میں مضر صحت کھانا کھانے سے 10 افراد کو حالت غیر ہونے پر ہسپتال منتقل کردیا گیا۔

ذرائع کے مطابق دینہ کے نواحی علاقے ڈھوک شیریاں میں مضر صحت کھانا کھانے پر ایک ہی خاندان کے 10 افراد کی حالت غیر ہو گئی جنہیں سوہاوہ ہسپتال منتقل کردیا گیا ، متاثرین میں 4 مرد، 4 خواتین اور 2 کم عمر لڑکا ،لڑکی شامل ہیں۔

ریسکیو ذرائع نے بتایا ہے کہ 2 روز کے دوران اسی خاندان میں یہ دوسرا واقعہ ہے، دو روز قبل اسی گھر میں کھانا کھانے سے 2 بچے جاں بحق جبکہ 6 بچوں کی حالت بگڑ گئی تھی۔

مزید پڑھیں: عورت کارڈ کا استعمال ، سینئرصحافی شہزادانور ملک پر درج ایف آئی آر کی جھوٹی کہانی سامنے آگئی

اس حوالے سے سی ای او ہیلتھ دینہ کا کہنا ہے کہ تمام افراد کی سیمپلنگ کی جارہی ہے فی الحال کچھ نہیں بتاسکتے۔