اسلام آباد(روشن پاکستان نیوز) قومی ٹیم کے وائٹ بال کپتان بابراعظم کی قیادت کا مستقبل بھی غیر یقینی ہوگیا۔
پاکستان کرکٹ بورڈکی جانب سے انہیں آئندہ چیمپئنز ون ڈے کپ کیلئے کپتان مقرر نہ کرنے کے فیصلے کے بعد پاکستانی اسٹار بلے باز کا بطور کپتان مستقبل خطرے سے دوچار ہے۔
رپورٹس میں انکشاف کیا گیا ہے کہ پاکستان آئندہ دورہ آسٹریلیا کیلئے وائٹ بال کا نیا کپتان مقرر کرسکتا ہے، قیاس آرئیاں سامنے آئی ہیں کہ موجودہ نائب کپتان محمد رضوان کو نیا قائد نامزد کئے جانے کا امکان ہے۔
وائٹ بال کے ہیڈ کوچ گیری کرسٹن نے مبینہ طور پر اس سال کے آغاز اور ٹی ٹوئنٹی ورلڈکپ کے بعد بابراعظم کے ساتھ کپتانی کے معاملے پر بات چیت کی تھی،ذرائع کا کہنا ہے کہ اگر رضوان بطور کپتان نامزد ہوتے ہیں تو انہیں کھیل کے تینوں فارمیٹس میں کپتانی سونپی جاسکتی ہے۔
مزید پڑھیں: بابراعظم بنگلادیش کیخلاف ٹیسٹ سیریز میں کون سا ریکارڈ بناسکتے ہیں؟
