راولپنڈی(سپورٹس رپورٹر )پاکستان – بنگلہ دیش کرکٹ میچز،راولپنڈی پولیس کے موثر سیکورٹی انتظامات، راولپنڈی پولیس کے 4000 سے زائد افسران و اہلکار سیکورٹی ڈیوٹی سرانجام دے رہے ہیں۔
شہریوں کی سہولت کے مدنظر موثر ٹریفک انتظامات کے لیے 350 سے زائد ٹریفک پولیس کے افسران بھی تعینات کیے گئے ہیں،روٹ اور سٹیڈیم کے اطراف چھتوں پر ماہر نشانہ باز تعینات کیے گئے ہیں، کرکٹ سٹیڈیم اور گردونواح میں 99 سپیشل پکٹس لگائی گئی ہیں۔
شائقین اور ٹیموں کے لیے بہترین انتظامات کو یقینی بنانے کے لیے تمام وسائل بروئے کارلائے جارہے ہیں، سی پی او سید خالد ہمدانی۔ تفصیلات کے مطابق پاکستان، بنگلہ دیش کرکٹ میچز،راولپنڈی پولیس کی جانب سے موثر سیکورٹی انتظامات، راولپنڈی پولیس کے 4000 سے زائد افسران و اہلکار سیکورٹی ڈیوٹی سرانجام دے رہے ہیں، شہریوں کی سہولت کے مدنظر موثر ٹریفک انتظامات کے لیے 350 سے زائد ٹریفک پولیس کے افسران بھی تعینات کیے گئے ہیں۔
روٹ اور سٹیڈیم کے اطراف چھتوں پر ماہر نشانہ باز تعینات کیے گئے ہیں، کرکٹ سٹیڈیم اور گردونواح میں 99 سپیشل پکٹس لگائی گئی ہیں،کرکٹ ٹیموں کے روٹ پر سی سی ٹی وی کیمروں سے مانیٹرنگ کی جا رہی ہے۔
کرکٹ سٹیڈیم اور گردونواح میں ایلیٹ فورس، ڈولفن فورس اور ضلعی پولیس کی خصوصی ٹیمیں گشت کے فرائض سرانجام دے رہی ہیں، تمام سینئر افسران ڈیوٹی پر تعینات افسران و جوانوں کو پوائنٹ وائز چیک اور بریف کر رہے ہیں،شائقین کرکٹ مخصوص راستے سے مکمل چیکنگ کے بعد سٹیڈیم میں داخل ہوسکیں گے۔
سی پی او سید خالد ہمدانی کا کہنا تھاکہ ضلعی انتظامیہ اور دیگر اداروں کے ساتھ باہمی ربط کے ذریعے بہترین انتظامات کو یقینی بنایا جا رہا ہے، پاک، بنگلہ دیش کرکٹ میچز کے لیے فول پروف سیکورٹی کو یقینی بنایا جا رہا ہے، شائقین اور ٹیموں کے لیے بہترین انتظامات کو یقینی بنانے کے لیے تمام وسائل بروئے کارلائے جارہے ہیں۔
