راولپنڈی(کرائم رپورٹر)راولپنڈی پولیس کی ناجائز اسلحہ رکھنے والوں اور شراب سپلائرز کے خلاف کاروائیاں، 09 ملزمان گرفتار، اسلحہ معہ ایمونیشن اور شراب برآمد، مقدمات درج۔
تفصیلات کے مطابق نیوٹائون پولیس نے ملزم تنویر سے 01پستول 30 بور معہ ایمونیشن، ٹیکسلا پولیس نے ملزم اکرام سے 01پستول 30 بور معہ ایمونیشن، صدربیرونی پولیس نے ملزم ماجد سے 01پستول 30 بور معہ ایمونیشن، کلرسیداں پولیس نے ملزم گلفام سے 01پستول 30 بور معہ ایمونیشن اور 01 آہنی مکہ خنجر نما، بنی پولیس نے ملزم دانش سے 05 لیٹر شراب، ملزم یاسر سے 05لیٹر شراب،وارث خان پولیس نے ملزم نعمان سے 05 لیٹر ، ملزم اشفاق سے 04لیٹر شراب، گوجر خان پولیس نے ملزم ارشد سے 10لیٹر شراب برآمد کر کے ملزمان کے خلاف الگ الگ مقدمات درج کر لیے۔
ڈویژنل ایس پیز کا کہنا تھا کہ ناجائز اسلحہ رکھنے والوں اور شراب سپلائرز کے خلاف کاروائیاں جاری رکھی جائیں گی۔
