اسلام آباد (روشن پاکستان نیوز)وفاقی حکومت نے پاکستان تحریک انصاف کے دور کے بلین ٹری سونامی پروگرام کو جاری رکھنے کا فیصلہ کیا ہے۔ ذرائع کے مطابق گرین پاکستان پروگرام کے بجٹ میں 300 فیصد سے زائد کا اضافہ کیا گیا ہے۔ اس پروگرام کے لیے 15 ارب 62 کروڑ روپے تجویز کیے گئے ہیں۔
ذرائع کا کہنا ہے کہ یہ پروگرام پی ٹی آئی دور میں 10 بلین ٹری سونامی کے نام سے شروع کیا گیا تھا، رواں مالی سال گرین پاکستان پروگرام کے لیے 3 ارب 90 کروڑ روپے رکھے گئے ہیں۔ پاکستان پروگرام پر 29 ارب 56 کروڑ روپے خرچ کیے جا چکے ہیں، ایکنک نے 2019 میں 10 ارب درختوں کے سونامی پروگرام کی منظوری دے دی۔
ذرائع نے مزید بتایا کہ ECNIC نے 125 ارب 18کروڑ 43 لاکھ روپے کی لاگت سے اس منصوبے کی منظوری دی تھی اور PDM کی سابقہ حکومت میں اس منصوبے کو گرین پاکستان پروگرام کا نام دیا گیا تھا۔
