کراچی کے علاقے گلشن اقبال سے وفاقی تحقیقاتی ادارے ایف آئی اے سائبر کرائم کے عملے نے بینکوں کا نمائندہ ظاہر کرکے جعلی کالز کرکے کھاتہ داروں سے بھاری رقوم نکلوانے والے ملزمان کے 3 رکنی گروہ کو گرفتار کرلیا۔
ترجمان ایف آئی اے کے مطابق غیر قانونی سرگرمیوں میں ملوث جنریشن 96 کو کال سینٹر پر چھاپے کے بعد کیا گیا۔ گرفتار ملزمان میں عبدالحمید، شاہان افضل اور نعمان علی شامل ہیں۔
حکام کے مطابق ملزمان بینک کے نمائندے ہونے کا بہانہ کرکے جعلی کالز کرتے تھے۔ ملزمان نے مذکورہ کال کرنے کے لیے جدید ٹیکنالوجی کا استعمال کیا۔
ملزمان جعلسازی کے ذریعے صارفین کے ڈیبٹ کارڈ کی تفصیلات حاصل کرتے تھے اور اس کا غلط استعمال کرتے تھے۔ ملزمان نے جعلی ڈیبٹ کارڈز کا استعمال ہوائی ٹکٹ اور ہوٹل کی بکنگ کے لیے کیا۔
ملزمان مذکورہ کارڈز کے ذریعے مقامی اور بین الاقوامی طلباء کی داخلہ فیس بھی ادا کرتے تھے۔
ملزمان جائیداد کی خریداری سمیت مختلف لین دین کے لیے ڈیبٹ کارڈز بھی استعمال کرتے ہیں، ملزمان دھوکہ دہی سے صارفین کو مختلف مصنوعات کی خریداری پر آمادہ کرتے ہیں۔
ان ملزمان نے جعلی ویب سائٹس بھی بنا رکھی تھیں۔ ملزمان سے رقم وصول کرنے کے باوجود مصنوعات کی ترسیل نہیں کی گئی۔
ملزمان کو گرفتار کر کے تفتیش شروع کر دی گئی ہے، دیگر ملزمان کی گرفتاری کے لیے چھاپے مارے جا رہے ہیں۔
