شاہ جمال(روشن پاکستان نیوز )مظفرگڑھ کے علاقے شاہ جمال میں چوری کے شبہ پر تاجر کا بھرے بازار میں خاتون پر تشدد کی ویڈیو سوشل میڈیا پر وائرل ہو گئی ۔
تفصیلات کے مطابق شاہ جمال،مظفرگڑھ میں چوری کے شبہ پر تاجرنے بھرے بازار میں خاتون پر تشدد کرنے کی ویڈیو سوشل میڈیا پر وائرل ہو گئی ۔
ویڈیو میں فہد زرگر نامی کپڑے کے تاجر کو خاتون پر تشدد کرتے دیکھا جا سکتا ہے ۔ متاثرہ خاتون بااثر شخص کی منت سماجت کرتی رہی مگر کسی نے آہ و زاری پر توجہ نہ دی ۔
مظفرگڑھ پولیس ترجمان نے بتایا کہ ڈی پی او، کے نوٹس لینے پر ملزم کو گرفتار کر لیا گیا ۔ انہوں نے کہا کہ کسی کو قانون ہاتھ میں لینے کی اجازت نہیں دی جائے گی ۔
پولیس ذرائع سے معلوم ہوا کہ سیاسی شخصیات کی مداخلت پر ملزم کو چھوڑ دیا گیا
