اسلام آباد(روشن پاکستان نیوز) رکن قومی اسمبلی سحر کامران نے کہا ہے کہ جرمنی کے یومِ اتحاد کے موقع پر اتحاد، آزادی اور پُرامن اتحاد کی اہمیت کو اجاگر کرنے کا موقع ملا۔
سحر کامران نے اسلام آباد کے سرینا ہوٹل میں جرمن سفیر انے لیپل کی جانب سے جرمنی کے یومِ اتحاد کی مناسبت سے منعقدہ استقبالیہ تقریب میں شرکت کی۔
انہوں نے سوشل میڈیا پر اپنے پیغام میں کہا کہ تقریب میں شرکت ان کے لیے خوشگوار تجربہ تھا۔ انہوں نے میزبان کی جانب سے پرتپاک میزبانی کو سراہتے ہوئے کہا کہ یہ تقریب اتحاد، آزادی اور پُرامن طور پر دوبارہ متحد ہونے کی اہمیت کی یاد دہانی تھی۔
اسلام آباد: آبنائے ہرمز کشیدگی، پاکستان کی ثالثی امن کی نئی امید قرار: سحرکامران
سحر کامران نے اس موقع کو پاکستان اور جرمنی کے درمیان دیرینہ شراکت داری اور دوستانہ تعلقات کو مزید مستحکم کرنے کے عزم کے اعادے کا بہترین موقع بھی قرار دیا۔
