اسلام آباد(روشن پاکستان نیوز) یمن کی انصار اللہ تحریک (حوثی) نے سعودی عرب کے خلاف بحری ناکہ بندی کا اعلان کر دیا ہے۔ فوجی ترجمان یحییٰ سریع نے پیر کو ایک بیان میں کہا کہ “یمنی مسلح افواج مجرم سعودی دشمن کے خلاف ‘آنکھ کے بدلے آنکھ’ کے اصول پر بحری ناکہ بندی کا اعلان کرتی ہے، جو اس بیان کے جاری ہوتے ہی فوری طور پر نافذ ہوگی۔”
پاکستان کی حوثی باغیوں کی دھمکیوں کی مذمت، ایک بار پھر سعودیہ کی خودمختاری کے تحفظ کا اعادہ
گزشتہ پیر کو حوثیوں نے الزام لگایا تھا کہ سعودی عرب نے سنا ہوائی اڈے پر حملہ کیا جب تہران سے حوثی رہنماؤں کے وفد پر مشتمل طیارہ لینڈ کر رہا تھا۔ جواب میں انہوں نے سعودی عرب کے جنوب میں ڈرونز اور میزائل فائر کیے تھے۔ دونوں فریقوں نے اکتوبر 2022 سے حملوں کا تبادلہ نہیں کیا تھا۔ سعودی عرب نے 2014 میں سنا میں حوثیوں کے اقتدار میں آنے کے بعد شمالی یمن پر ناکہ بندی عائد کر رکھی ہے اور ملک کی فضائی حدود کو کنٹرول کرتا ہے۔
