اسلام آباد(روشن پاکستان نیوز)  پاکستان میں عید الفطر کے موقع پر بچوں کو “عیدی” دینے کی روایت کے باعث نئے اور کڑک کرنسی نوٹوں کی مانگ بڑھ جاتی ہے۔ اس ضرورت کو مدنظر رکھتے ہوئے اسٹیٹ بینک آف پاکستان نے شہریوں کے لیے نئے نوٹ حاصل کرنے کا باقاعدہ طریقہ کار جاری کر دیا ہے۔

مرکزی بینک کے مطابق اس اقدام کا مقصد شہریوں کو آسانی فراہم کرنا اور اوپن مارکیٹ میں نوٹوں کی غیر قانونی فروخت اور اضافی چارجز کی روک تھام کرنا ہے۔

نئے نوٹ حاصل کرنے کا طریقہ

ایس ایم ایس رجسٹریشن:
شہری اپنے موبائل سے 13 ہندسوں پر مشتمل شناختی کارڈ نمبر لکھ کر اسپیس دیں اور اپنی قریبی بینک برانچ کا کوڈ درج کر کے 8877 پر ایس ایم ایس کریں۔

تصدیقی پیغام:
جوابی ایس ایم ایس میں صارف کو ایک منفرد ٹرانزیکشن کوڈ اور متعلقہ بینک برانچ کا پتہ موصول ہوگا۔

نوٹوں کی وصولی:
شہری اصل شناختی کارڈ اور اس کی فوٹو کاپی کے ساتھ متعلقہ بینک برانچ سے نئے نوٹ حاصل کر سکتے ہیں۔

اسٹیٹ بینک نے واضح کیا ہے کہ اس سروس کے لیے کوئی اضافی فیس وصول نہیں کی جاتی۔

اوپن مارکیٹ میں مہنگے داموں فروخت

سرکاری طریقہ کار کے باوجود بعض شہری سہولت یا بینکوں میں کوٹہ ختم ہونے کے باعث اوپن مارکیٹ سے نئے نوٹ خریدتے ہیں، جہاں منافع خور اضافی قیمت وصول کر رہے ہیں۔

10 روپے کے نوٹوں کا بنڈل: 1,000 روپے مالیت کا بنڈل 1,200 سے 1,300 روپے تک فروخت ہو رہا ہے۔
50 روپے کے نوٹوں کا بنڈل: 5,000 روپے مالیت کا بنڈل 5,500 سے 6,000 روپے تک دستیاب ہے۔

عیدالفطر پر بینکوں سے نئے کرنسی نوٹ ملیں گے یا نہیں؟ بڑی خبر آ گئی

پاکستان میں عید کے موقع پر خاص طور پر 20 اور 50 روپے کے نئے نوٹوں کی طلب زیادہ ہوتی ہے، کیونکہ بچے عیدی کے طور پر ملنے والی رقم سے اپنی پسند کی مٹھائیاں اور کھلونے خریدتے ہیں۔