اسلام آباد(روشن پاکستان نیوز) انڈونیشیا میں چھوٹا مسافر طیارہ گر کر تباہ ہونے کے نتیجے میں سوار تمام 11 افراد ہلاک ہو گئے۔

انڈونیشیا میں آج صبح انڈونیشیا ایئر ٹرانسپورٹ کا علاقائی طیارہ اے آر ٹی  42-500 گر کر تباہ ہو گیا، طیارے میں 3 مسافر اور 8 عملے کے ارکان شامل تھے۔

مزید پڑھیں: طیارہ حادثہ؛ عدالت کا نجی ایئرلائن کو 5 ارب 14کروڑ سے زائد ہرجانہ ادا کرنے کا حکم

رپورٹ کے مطابق طیارہ یوگیا کارتا سے مکاسر، جنوبی سولاویسی کے لیے روانہ ہوا تھا اور تقریباً 12 میل دور ایئرپورٹ کے ایریا میں ایئر ٹریفک کنٹرول سے رابطہ منقطع ہو گیا۔

ابتدائی اطلاعات کے مطابق پہاڑی علاقے لیانگ لیانگ، ماروس ضلع میں طیارے کے ملبے کے آثار دیکھے گئے ہیں۔