اسلام آباد(روشن پاکستان نیوز) وزیر دفاع خواجہ آصف نے کہا ہے کہ ہم نے بھی فوج پرتنقید کی لیکن کبھی سرخ لکیر عبور نہیں کی۔
نجی ٹی وی کے پروگرام میں وزیر دفاع نے کہا کہ اگر تحریک انصاف والے دہشت گردی کے خلاف جنگ نہیں لڑ سکتے، اس جنگ کو اپنا نہیں سکتے، شہیدوں کے جنازے نہیں پڑھ سکتے۔
خواجہ آصف نے کہا کہ پی ٹی آئی والے ہندوستانی میڈیا کو پاکستان کے خلاف انٹرویو دیتے ہیں تو پھر یہی زبان سنیں گے جو سنی ہے۔
مزید پڑھیں: فوجی سیمنٹ کا سالانہ سیلز ڈیلرز ایونٹ شاندار انداز میں منعقد
انہوں نے کہا کہ پچھلے چار پانچ سال میں حالات خراب ہونے کے ذمہ دار عمران خان ہیں، بھارتی میڈیا سے ان کی بہن کی گفتگو فیصلہ کن مرحلہ ثابت ہوئی۔
انہوں نے کہا کہ سوشل میڈیا پرسب کچھ تحریک انصاف کی مرضی سے ہو رہا ہے، سوشل میڈیا پر جوکچھ بھی ہو رہا ہے اس کی کبھی پی ٹی آئی نے مذمت کی؟
انہوں نے کہا کہ ہم نے بھی فوج پرتنقید کی لیکن کبھی سرخ لکیر عبور نہیں کی، ان کا کہنا تھا کہ دہشت گردی کے خلاف جنگ کی پی ٹی آئی کھلی مخالفت کرتی ہے۔
