اسلام آباد(روشن پاکستان نیوز) خیبر پختونخوا کے وزیراعلیٰ سہیل آفریدی کا کہنا ہے کہ صوبے میں کسی اور راج کی ضرورت نہیں، اگر ہمت ہے تو گورنر راج لگا کر دیکھیں، ہم نہیں ڈرتے۔
پشاور میں میڈیا سے گفتگو کرتے ہوئے انہوں نے کہا کہ بند کمروں کی پالیسیاں خیبر پختونخوا میں نافذ کرنے والوں کو احساس کرنا چاہیے۔
علاوہ ازیں ایک تقریب سے خطاب کرتے ہوئے انہوں نے کہا کہ چاہتا ہوں صوبے کے ہر محکمے میں خصوصی افراد ہوں،خصوصی افراد کے اسکولوں کیلئےبسیں اور سائیکلیں دی جا رہی ہیں۔
مزید پڑھیں: سہیل آفریدی کیخلاف ضابطہ اخلاق کیس، الیکشن کمیشن نے دائرہ اختیار پرتحریری جواب طلب کرلیا
سہیل آفریدی کا مزید کہنا تھا کہ ضم اضلاع کے اسپیشل اسکولوں کیلئے بھی بسیں فراہم کی جائیں گی،مسائل کے حل کیلئےترجیحی بنیادوں پر فنڈز دیں گے۔
ضم اضلاع میں جنگی حالات میں معذور لوگوں کی ایک ارب روپے سےمعاونت کرینگے،وفاق کے پاس ہمارے 3 ہزار ارب سے زائد کی رقم موجود ہے۔
