اسلام آباد(روشن پاکستان نیوز)  پاکستان اسٹاک ایکسچینج میں کاروبار کے آغاز پر مثبت رجحان رہا ، دوسری جانب تبادلہ مارکیٹ میں ڈالر کی قیمت میں معمولی کمی ریکارڈ ہوئی ہوئی ہے۔

کاروباری ہفتے کے دوسرے روز اسٹاک مارکیٹ میں کاروبار کے آغاز پر تیزی دیکھنے میں آئی ، 100 انڈیکس میں 218 پوائنٹس کا اضافہ ریکارڈ کیا گیا جس سے انڈیکس ایک لاکھ 18 ہزار 602 پوائنٹس کی سطح پر پہنچ گیا۔

دوسری جانب انٹر بینک میں ڈالر کی قیمت میں کمی ہوگئی ، ایکسچینج کمپنیز ایسوسی ایشن کے مطابق انٹر بینک میں 15 پیسے کی کمی کے بعد ڈالر 280 روپے 72 پیسے کا ہو گیا۔

واضح رہے گزشتہ روز کاروبار کے آغاز پر ڈالر کی قیمت میں کمی ہوئی تھی تاہم کاروبار دن کے اختتام پر ڈالر مہنگا ہو گیا تھا۔