پشاور(روشن پاکستان نیوز) صوبائی دارالحکومت پشاور میں نامعلوم افراد کی فائرنگ سے حساس ادارے کا افسر شہید ہو گیا۔
رپورٹ کے مطابق یہ واقعہ پشاور کے تھانہ مچنی گیٹ کی حدود عزیر ٹاون کے علاقے میں پیش آیا، جہاں نامعلوم افراد نے فائرنگ کرکے حساس ادارے کے افسر انسپکٹر شاہد انور ولد عبد الحنان کو شہد کردیا۔
اطلاع ملتے ہی پولیس افسران مقامی پولیس کے ہمراہ فوری موقع پر پہنچ گئے اور لاش کو پوسٹ مارٹم کے لیے منتقل کر دیا۔ قانون نافذ کرنے والے اداروں نے ملوث عناصر کا سراغ لگانے کے لیے علاقے میں سرچ آپریشن شروع کردیا، شہر بھر میں ناکہ بندیوں پر پولیس چیکنگ مزید سخت کردی گئی ہے۔
عینی شاہدین کے مطابق موٹر سوار نامعلوم افراد نے گھر کے قریب فائرنگ کرکے ایک افسر کو شہید کیا، مزید تفتیش کے بعد حقائق اور قتل کی وجہ سامنے آئے گی۔ یاد رہے صوبائی دارالحکومت پشاور میں نامعلوم افراد کی فائرنگ سے حساس ادارے کا افسر شہید ہو گیا۔
مزید پڑھیں: حساس ادارے کے دفاتر پر حملے کی منصوبہ بندی کرنیوالے 6 دہشتگرد گرفتار
