اسلام آباد(روشن پاکستان نیوز) ملک کے بعض علاقوں میں آئندہ 24 گھنٹوں کے دوران ہلکی سے درمیانی بارش اور پہاڑوں پر برف باری کا امکان ہے۔
موسم کا حال بتانے والوں کے مطابق ملک کے اکثر علاقوں میں موسم خشک صبح اور رات کے اوقات سرد رہنے کا امکان ہے۔ بلوچستان، سندھ، خیبرپختونخوا کے میدانی جنوبی علاقوں پنجاب کے تمام وسطی مشرقی اور جنوبی علاقوں صوبہ سندھ میں موسم خشک دن کے وقت اچھی دھوپ رہے گی۔
جب کہ مغربی ہواؤں کے زیر اثر بالائی پنجاب، خطہ پوٹھوہار، کشمیر، گلگت بلتستان اور بالائی خیبرپختونخوا میں مطلع ابر آلود رہنے کے ساتھ کہیں کہیں ہلکی سے درمیانی بارش پہاڑوں پر برفباری کا امکان ہے۔
اس کے علاوہ کراچی سمیت سندھ اور بلوچستان کی ساحلی پٹی پر موسم خشک رہنے کا امکان آئندہ چند روز گندم کی کاشت کے تمام علاقوں میں موسم خشک صبح اور رات کے اوقات سرد رہنے کا امکان ہے۔
آج ملک کے اکثر علاقوں میں موسم خشک مطلع صاف تاہم بالائی خیبرپختونخوا، کشمیر، گلگت اور ملحقہ علاقوں میں مطلع جزوی طور پر ابر آلود رہا۔
پنجاب کے اکثر میدانی جنوبی وسطی علاقے خیبرپختونخوا کے میدانی جنوبی علاقے صوبہ سندھ اور کوئٹہ سمیت بلوچستان کے تمام علاقوں میں موسم خشک مطلع صاف رہا۔
مزید پڑھیں: شدید موسم اور انسانوں کی صحت پر اس کا اثر
