ہمیں اپنے بچوں کوعلامہ محمد اقبال کی شاعری سے روشناس کرانا چاہیے۔ڈاکٹر ظہور احمد سفیر پاکستان سویڈن و فن لینڈ

سٹاک ہوم (بیورورپورٹ) سویڈن میں اقبال اکیڈمی سکینڈے نیویا کے سربراہ عارف محمود کسانہ کی صدارت میں  یوم اقبال کی ایک شاندار تقریب کا اہتمام کیا گیا، عارف محمود کسانہ کا کہنا ہے کہ ہمیں اپنے بچوں کو مفکر پاکستان علامہ محمد اقبال  کی تعلیمات سے روشناس کرانا ہو گا۔
تفصیلات کے مطابق سویڈن کے دارالحکومت اسٹاک ہوم کے علاقہ فتیا میں اقبال اکیڈمی سکینڈے نیویا نے حضرت علامہ محمد اقبال کو خراج عقیدت پیش کرنے کے لئے تقریب کا اہتمام کیا جس میں سفیر پاکستان سویڈن و فن لینڈ داکٹر ظہور احمد سمیت پاکستانی کمیونٹی کے افراد نے بھر پور شرکت کی۔ تقریب میں غیر ملکیوں جس میں پروفیسر ڈاکٹر ہینسز ویرنر اپسالہ یونیورسٹی، اینیلی پرشون مڈ سویڈن یونیورسٹی اور سید ضیا ہاشمی ایرانی کلچرل اتاشی سمیت دیگر نے شرکت کی
خطاب کرتے ہوئے اقبال اکیڈمی سکینڈے نیویا کے سربراہ عارف محمود کسانہ نے کہا کہ اقبال اکیڈمی سکینڈے نیویا کی نبیاد علامہ اقبال کے فلسفے کو  فروغ دینے کے لئے کیا گیا ہے۔ ہمیں یورپ میں شاعر مشرق علامہ محمد اقبال کی تعلیمات کو فروغ دینے کی کوشش کرنا ہو گی۔ تقریب سے غیر ملکیوں سمیت سفیر پاکستان ڈاکٹر ظہور احمد اور تنظیم کے سربراہ عارف محمود کسانہ نے خطاب کرتے ہوئے  کہا کہ اقبال کا فلسفہ خودی فرد اور اقوام کی اجتماعی شخصیت میں اہم کردار ادا کرتا ہے۔ ہمیں اپنے بچوں کوعلامہ محمد اقبال کی شاعری سے روشناس کرانا کے لئے اجتماعی کوشش کرنا ہو گی۔  تقریب میں سفیر پاکستان ڈاکٹر ظہور،عارف محمود کسانہ سمیت دیگر مہمانوں نے علامہ محمد اقبال کی شاعری بھی سنائی جس سے تقریب کے شرکاء خوب محظوظ ہوئے۔ 

اپنا تبصرہ بھیجیں