اسلام آباد (روشن پاکستان نیوز)پاکستان پیپلزپارٹی کی سینئر رہنما ورکن قومی اسمبلی نے اداروں کی نجکاری پر برہمی کا اظہار کرتے ہوئے کہا ہے کہ حکومت سب بیچ دوکے نعرے کے ساتھ اوایل ایکس کمپنی کے طور پر کام کر رہی ہے۔
تفصیلات کے مطابق انہوں نے کہاکہ گزشتہ 24 سالوں میں سالانہ اوسطاً 2.0 بلین ڈالر براہ راست بیرونی سرمایہ کاری(ایف ڈی آئی ) کاحجم تھا، رواں مالی سال کے لیے کل 1.56 بلین ڈالر (ایف ڈی آئی )ہے جو کہ حکومت کی معاشی پالیسیوں کی ناکامی کو ظاہر کرتا ہے۔
انہوں نے کہاکہ سرمایہ کاری اور برآمدات میں کمی کی وجوہات کا جائزہ لینا/تجزیہ کرنا ضروری ہے۔
انہوں نے کہاکہ سرٹیفیکیشن تیار کرنے اور معیار کو یقینی بنانے کے لیے کیا اقدامات کیے گئے ہیں؟ متعلقہ دفاتر کی کارکردگی ان وجوہات کا جائزہ لینے کے لیے اہم ہے جو کوتاہی کا باعث بنتی ہیں۔
رکن قومی اسمبلی نے کہاکہ نجکاری پالیسی پر بھی نظرثانی کی ضرورت ہے، حکومت تمام قومی اثاثے فروخت کرنا چاہتی ہے، اور ’سب بیچ دو‘ کے نعرے کے ساتھ اوایل ایکس کمپنی کی طرح کام کر رہی ہے۔
انہوں نے کہاکہ پی پی پی کی حکومت کے دوران 2009 کے بعد پی آئی اے منافع کما رہی تھی۔ 2011 میں صدر آصف علی زرداری نے اسےمغربی دارالحکومتوں میں نئی منڈیاں تلاش کرنے کے قابل بنانے کے لیے روٹ شیئرنگ کا مشورہ دیالیکن پیپلز پارٹی کی حکومت کے بعد پی آئی اے کو غلط فیصلوں اور اسکینڈلائزیشن کی وجہ سے شدید بحران کا سامنا کرنا پڑا۔
