لندن(صبیح زُونیر)کے وزیر اعظم رشی سنک کا اسلام مخالف بیان سامنے آگیا ہے، غزہ تنازعے پر برطانوی وزیر اعظم رشی سنک نے ڈاؤننگ اسٹریٹ میں گھر کے باہرخطاب میں کہا کہ حالیہ مہینوں میں جرائم میں حیران کن اضافہ تشویش ناک ہے، اسلامی انتہا پسند گروہ زہر پھیلا رہے ہیں۔
برطانوی وزیر اعظم کا بیان اس وقت سامنے آیا جب ہاؤس آف کامنز کے اسپیکر جارج گیلوے نے برطانوی پارلیمنٹ میں اسرائیل اور حماس کی جنگ پر غصے کا اظہار کیا۔
رشی سنک نے جارج گیلوے کے بیان کو جواز بنا کر کہا کہ ارکان پارلیمنٹ اپنے گھر میں خود کو محفوظ محسوس نہیں کرتے، طویل عرصے سے چلنے والے پارلیمانی کنونشنوں کو حفاظتی خدشات کی وجہ سے روک دیا گیا ہے، کونسل کے اجلاسوں اور مقامی تقریبات پر دھاوا بولا گیا ہے۔
مزیدپڑھیں:نیشنل پر یس کلب اسلام آباد کے سالانہ انتخابات 2024-25کیلئے ضابطہ اخلاق جاری
رشی سنک نے کہا کہ یہ ’خوفناک بات ہے کہ ووٹرز نے ایسے امیدوار کو منتخب کیا ہے جو 7 اکتوبر کو ہونے والے خوفناک واقعات کو مسترد اور حزب اللہ کی تعریف کرتا ہے۔ ہماری جمہوریت خود ایک ہدف ہے اب وقت آگیا ہے کہ ہم سب مل کر تقسیم کی قوتوں کا مقابلہ کریں‘۔
برطانوی وزیر اعظم نے کہا کہ احتجاج پر قابو پانے میں پولیس کو مشکلات کا سامنا ہے، میں پولیس سے کہتا ہوں، جب آپ کارروائی کریں ہم آپ کا ساتھ دیں گے۔
ان کا مزید کہنا تھا کہ انتہا پسند قوتوں سے لڑنے کا وقت آگیا ہے، ہماری جمہوریت خود ایک ہدف ہے۔
