تل ابیب(روشن پاکستان نیوز) اسرائیلی وزیر اعظم نیتن یاہو نے کہا ہے ک ہم غزہ میں کارروائیوں سے متعلق صرف امریکا کو آگاہ کرتے ہیں اجازت نہیں مانگتے۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کابینہ اجلاس میں گفتگو کرتے ہوئے کہا کہ غزہ کے کچھ حصوں میں اب بھی حماس کے مراکز موجود ہیں۔ جنہیں مکمل طور پر ختم کیا جا رہا ہے۔
انہوں نے کہا کہ رفح اور خان یونس میں حماس کے مراکز ہیں جنہیں جلد ختم کر دیا جائے گا۔ اور اگر ہماری فوج پر حملے کی کوشش کی گئی تو ہم حملہ آوروں اور ان کی تنظیم دونوں کو نشانہ بنائیں گے۔
نیتن یاہو نے کہا کہ ہم اپنی فوج کے تحفظ کے لیے ہر ممکن کارروائی کریں گے۔ اور غزہ میں اپنی فوج کو نقصان پہنچانے کی کسی بھی کوشش کا بھرپور جواب دیں گے۔
یہ بھی پڑھیں:غزہ میں فوج بھیجنے سے متعلق وزارت خارجہ جواب دے گی: وزیر اطلاعات
انہوں نے کہا کہ غزہ میں کی جانے والی کارروائیاں امریکا کو رپورٹ کی جاتی ہیں۔ لیکن کسی قسم کی اجازت نہیں لی جاتی۔
