واشنگٹن(روشن پاکستان نیوز) امریکی صدر ڈونلڈ ٹرمپ نے مالی سال 2026 کے لیے تارکین وطن کو ویزا دینے کی حد مقرر کر دی۔

غیر ملکی خبر رساں ایجنسی کے مطابق امریکی صدر ڈونلڈ ٹرمپ نے اعلان کیا ہے کہ سال 2026 میں امریکا آنے والے صرف 7 ہزار 500 تارکین وطن ویزے کے اہل ہوں گے۔

انہوں نے کہا کہ امریکا کی تاریخ میں تارکین وطن کی تعداد میں کمی لا رہے ہیں۔ اور تارکین وطن کے داخلے سے ملک کے مفادات کو نقصان نہیں ہونا چاہیے۔

ڈونلڈ ٹرمپ نے کہا کہ سفید افریقیوں کو جنوبی افریقہ میں نسل کشی کا خطرہ ہے۔ اور فی الحال پناہ گزینوں کی سالانہ حد ایک لاکھ 25 ہزار مقرر ہے۔

واضح رہے کہ 1980 کے ریفیوجی ایکٹ کے بعد پہلی بار تارکین وطن کو ویزا جاری کرنے کی اتنی کم ترین حد مقرر کی گئی ہے۔ جبکہ ٹرمپ انتظامیہ نے سفید فام جنوبی افریقیوں کو ترجیح دینے کا اعلان کیا ہے۔

امریکی تاریخ میں مخصوص قومیتوں کے خلاف امتیازی قوانین پہلے بھی بنائے گئے۔ اور نئے قانون کے تحت مہاجرین کو سخت سیکیورٹی جانچ سے گزرنا ہو گا۔ جبکہ امریکی وزارت خارجہ اور ہوم لینڈ سیکیورٹی کی منظوری لازم قرار دی گئی ہے۔

یہ بھی پڑھیں:ٹرمپ نے فوج کو ایٹمی ہتھیاروں کو فوری ٹیسٹ کرنے کا حکم دے دیا

ڈونلڈ ٹرمپ نے جون میں غیر ملکیوں کی داخلے سے متعلق نیا فرمان جاری کیا تھا۔