واشنگٹن(روشن پاکستان نیوز) امریکی خلائی ادارے ناسا کے بجٹ میں کٹوتیوں کے بعد ادارے کے تقریباً 3,870 ملازمین نے استعفیٰ دے دیا ہے۔
فرانسیسی خبر ایجنسی کے مطابق ناسا کے ملازمین ڈفرڈ ریزائنیشن پروگرام کے تحت رضاکارانہ طور پر ادارہ چھوڑ رہے ہیں، اس پروگرام کے پہلے مرحلے میں 870 ملازمین استعفیٰ دیا، جبکہ دوسرے مرحلے میں 3 ہزار ملازمین نے علیحدگی کی حامی بھری۔
ایجنسی کی ترجمان شیریل وارنر نے کہا کہ 3,870 ملازمین، جو ادارے کے موجودہ عملے کا 21 فیصد ہیں، ان تمام ملازمین نے موخر استعفیٰ کے دو پروگرامز میں رضاکارانہ طور پر حصہ لینے پر اتفاق کیا ہے جن کے تحت اضافی ادائیگی یا دیگر مراعات فراہم کی جائیں گی۔
وارنر نے کہا کہ موخر استعفیٰ پروگرامز اورعملے میں کمی کے بعد ادارے کے مستقل ملازمین کی تعداد تقریباً 14 ہزار رہ جائے گی تاہم یہ تعداد مستقبل میں تبدیل ہو سکتی ہے۔
مزید پڑھیں:ضرورت پڑی تو واشنگٹن دوبارہ حملہ کرے گا، ڈونلڈ ٹرمپ کی ایران کو پھر دھمکی
