منگل,  23 جولائی 2024ء
بھارتی مئیر نے شہریوں کو اسلام قبول کرنے کی دعوت دیدی

کولکتہ (روشن پاکستان نیوز) بھارتی شہر کولکتہ کے مئیر نے شہریوں کو اسلام قبول کرنے کا مشورہ دے دیا ہے، مئیر کا بیان حکمران جماعت کو ایک آنکھ نہیں بھایا۔

کولکتہ شہر کے مئیر فرہاد حکیم کی جانب سے آل انڈیا قرآن مقابلے کے دوران خطاب کرتے ہوئے کہنا تھا کہ غیر مسلم بدقسمت ہیں اور انہیں اپنا ایمان تازہ کرنے کے لیے اسلام قبول کرنا چاہیے۔

مئیر کوکلتہ کے اس بیان پر بی جے پی کی جانب سے شدید مخالفت کی جا رہی ہے، جبکہ مئیر کا کہنا تھا کہ ہمیں غیر مسلمانوں میں اسلام کو پھیلانا چاہیے، اگر ہم کسی کو اسلام کی طرف راغب کرتے ہیں تو ہم ایک سچے مسلمان ثابت ہو سکتے ہیں۔

بھارتی میڈیا کی جانب سے مئیر کوکلتہ کو شدید تنقید کا نشانہ بنایا جا رہا ہے، جبکہ ان کا 2016کا بیان بھی چلایا جا رہا ہے، جس میں کولکتہ کے مسلمان اکثریتی علاقے کو منی پاکستان قرار دیا تھا،جبکہ بھارتیہ جنتا پارٹی کی جانب سے مئیر فرہاد کو بنگال کی وزیر اعلی ممتا بینرجی کا قریبی ساتھی قرار دیا جا رہا ہے۔

بی جے پی بنگال کے رہنما اگنی مترا پول کی جانب سے کہنا تھا کہ مئیر کے بیان نے ہندو مذہب کو توہین کی ہے، ساتھ ہی بھارت میں اتحاد اور بھائی چارگی کو بھی خطرے میں ڈالا ہے۔

مزید پڑھیں: روسی فوج سے تمام بھارتیوں کو نکالنے کا فیصلہ، بین الاقوامی دنیا سے بڑی خبر

مزید خبریں

FOLLOW US

Copyright © 2024 Roshan Pakistan News