اسلام آباد(روشن پاکستان نیوز) میکسیکو سٹی کے ایئرپورٹ پر ایک پائلٹ نے تنخواہ کی عدم ادائیگی پر انوکھا احتجاج کرتے ہوئے طیارہ اڑانے سے انکار کر دیا۔
مقامی میڈیا کے مطابق پائلٹ نے خود کو کاک پٹ میں بند کر لیا، جس کے باعث ہوائی اڈے پر ہنگامہ برپا ہو گیا۔
واقعہ اس وقت پیش آیا جب مسافر طیارے میں سوار ہو چکے تھے اور پرواز اڑان کے لیے مکمل تیار تھی۔ اسی دوران پائلٹ نے اچانک احتجاج کیا۔
پائلٹ نے مسافروں کو بتایا کہ اسے گزشتہ پانچ ماہ سے تنخواہ اور سفری الاؤنس نہیں دیا گیا ، وہ تین بچوں کا باپ ہے۔ واجبات کی ادائیگی تک طیارہ پرواز نہیں کرے گا۔
مزید پڑھیں: ائیر انڈیا طیارہ حادثہ دانستہ طور پر کیا گیا، امریکی جریدے کے تہلکہ خیز انکشافات
صورتحال کی سنگینی کے پیش نظر ائیرپورٹ انتظامیہ نے سکیورٹی اقدامات کرتے ہوئے مسافروں کو بحفاظت طیارے سے اتار لیا۔ بعد ازاں پائلٹ کو حراست میں لے کر پرواز منسوخ کر دی گئی۔
