حافظ آباد (شوکت علی وٹو) – ڈی پی او حافظ آباد عاطف نذیر نے اپنے دفتر میں محکمانہ خود احتسابی کے ویژن کے تحت اردل روم کا انعقاد کیا، جس میں انسپکٹر سے لے کر کانسٹیبل تک کے پولیس افسران و جوان شریک ہوئے۔ اس دوران ڈی پی او حافظ آباد نے مختلف سزائیں دی ہیں۔
ڈی پی او حافظ آباد نے دو پولیس افسران کی انکریمنٹ سٹاپ، دو پولیس افسران کو نوکری سے برخاست اور چار پولیس افسران کو سنشور کی سزائیں دیں۔ انہوں نے کہا کہ محکمانہ نظم و ضبط پر کسی قسم کا سمجھوتہ نہیں کیا جائے گا اور غفلت برتنے یا اختیارات سے تجاوز کرنے والے اہلکاروں کے خلاف سخت محکمانہ کارروائی کی جائے گی۔
اس موقع پر ڈی پی او نے مزید کہا کہ ایماندار، فرض شناس اور عوام دوست پولیس ملازمین کی ہر سطح پر حوصلہ افزائی کی جائے گی۔ عوام کو انصاف کی فراہمی اور پولیس کی ساکھ کو بہتر بنانے کے لیے خود احتسابی کا عمل مزید مؤثر بنایا جائے گا۔
مزید پڑھیں: سلمیٰ بٹ کا حافظ آباد میں رمضان سہولت بازار کا دورہ، عوامی ریلیف اقدامات کی تعریف
ڈی پی او عاطف نذیر نے اس عزم کا اعادہ کیا کہ پولیس کی کارکردگی کو بہتر بنانے اور عوام کے ساتھ بہتر تعلقات قائم کرنے کے لیے مزید اقدامات کیے جائیں گے۔
