اسلام آباد(روشن پاکستان نیوز) پاکستان ہاکی ٹیم کے کھلاڑیوں نے مزدور کی دیہاڑی سے بھی کم ڈیلی الائونس کو زخموں پر نمک چھڑکنے اور اپنی بے عزتی کے مترادف قرار دیا ہے۔
قومی ہاکی ٹیم کے کھلاڑیوں نے شکوہ کرتے ہوئے کہا ہے کہ 400 روپے تو مزدور کی دیہاڑی بھی نہیں اور ہمیں ڈیلی الاؤنس دینے کا کہا جا رہا ہے، یہ ہماری بے عزتی ہے ، اس سے بڑھ کر آپ کسی کی کیا بے قدری کریں گے۔
کھلاڑیوں کا مزید کہنا ہے کہ ڈیلی الاؤنس پہلے بھی وقت پر نہیں ملتا اور اب 400 روپے کی بات کی جا رہی ہے، روزگار ہے نہیں ، اگر حالات اسی طرح چلتے رہے تو ہاکی چھوڑنے پر مجبور ہوں گے۔
انہوں نے کہا کہ اس ملک نے ہمیں بہت کچھ دیا ہے ، ملک کی وجہ سے سب کچھ ہے لیکن 400 روپے الاونس کی بات سن کر بہت دکھ ہوا ، کھلاڑیوں کے گھروں کے چولہے ٹھنڈے پڑ رہے ہیں اور ہمارے ڈیلی الاؤنس کی سب کو تکلیف ہے۔
مزید پڑھیں: دعوتِ اسلامی اسلام آباد کے زیر اہتمام عظیم الشان اجتماعِ میلاد 5 ستمبر کو فیضانِ مدینہ مرکز جی-11 میں ہوگا
دوسری جانب پاکستان ہاکی فیڈریشن کے سیکرٹری رانا مجاہد نے کہا ہے کہ پاکستان اسپورٹس بورڈ نے نے 400 روپے ڈیلی الاؤنس دینے کا کہا، ہاکی فیڈریشن 100 ڈالر ڈیلی الاؤنس دیتی ہے، کھلاڑی 100 ڈالرز سے مطمئن نہیں تو 400 روپے پر کیسے کھیلیں گے۔
