نیو دہلی(روشن پاکستان نیوز) آئی پی ایل کے پہلے سیزن کی فاتح ٹیم راجستھان رائلز کو حریف ٹیم لکھنؤ سپر جائنٹس سے 2 رنز سے شکست کے بعد فکسنگ کے الزامات نے گھر لیا۔

بھارتی میڈیا رپورٹس کے مطابق راجستھان کرکٹ ایسوسی ایشن کے سربراہ جے دیپ بہاری نے راجستھان رائلز پر فکسنگ کا الزام لگایا۔ انہوں نے اس بات پر بھی مایوسی کا اظہار کیا کہ ان کی کمیٹی کا آئی پی ایل کے دوران ٹیم کے اقدامات پر کوئی کنٹرول نہیں ہے۔

جے دیپ بہاری نے کہا کہ بچوں کو بھی معلوم ہے لکھنؤ سپر جائنٹس کے خلاف راجستھان رائلز کا میچ فکس تھا، ہوم گراؤنڈ پر چند رنز درکار ہوں تو آپ میچ کیسے ہار سکتے ہیں۔

مزید پڑھیں: پی ایس ایل2025؛ پی سی بی نے آئی پی ایل سے متصادم تاریخیں تجویز کردیں

بھارتی کرکٹ کنٹرول بورڈ (بی سی سی آئی) کے ترجمان نے میچ فکسنگ سے متعلق کمیٹی کی تشکیل اور تحقیقات کرانے کا حکم دیا، ان کا کہنا تھا کہ معاملے کو سنجیدگی سے لیا جا رہا ہے اور جرم ثابت ہونے پر سخت سزائیں دی جائیں گی۔

واضح رہے کہ آئی پی ایل میں لکھنؤ سپر جائنٹس نے راجستھان رائلز کو 2 رنز سے شکست دی تھی۔