اسلام آباد(روشن پاکستان نیوز) بابراعظم ویرات کوہلی کو پیچھے چھوڑتے ہوئے سب سے زیادہ رنز بنانے والے بیٹرز کی فہرست میں دوسرے نمبر پر آ گئے۔
گزشتہ روز بابراعظم نے آسٹریلیا کے خلاف ٹی ٹوئنٹی میچ میں 41 رنز بنائے جس کے بعد وہ کوہلی سے آگے نکل گئے۔
بھارت کے روہت شرما اس فہرست میں پہلے نمبر پر ہیں انہوں نے 159 ٹی ٹوئنٹی انٹرنیشنل میچ کھیل کر 4231 رنز بنا رکھے ہیں۔
بابر اعظم 126 ٹی ٹوئنٹی میچز کھیل کر 4192 رنز بناکر اس فہرست میں دوسرے نمبر پر پہنچ گئے ہیں جبکہ ویرات کوہلی 125 میچز میں 4188 رنز کے ساتھ تیسرے نمبر پر ہیں۔
مزید پڑھیں: نئے سینٹرل کنٹریکٹ کے بعد بابراعظم اور محمد رضوا ن کو کتنے پیسے ملیں گے؟ بڑا انکشاف
