کوئٹہ(روشن پاکستان نیوز)پراونشل ڈیزاسٹر مینجمنٹ اتھارٹی (پی ڈی ایم اے) بلوچستان نے صوبے کے مختلف اضلاع میں بارشوں سے ہونے والے نقصانات کی رپورٹ جاری کردی۔
پی ڈی ایم اے کی رپورٹ کے مطابق خاران میں موسلا دھار بارش کے باعث 3 بچے جاں بحق جبکہ ایک شخص زخمی ہو گیا، بارش سے 2 گھر تباہ اور 5 گھروں کو جزوی طور پر نقصان پہنچا۔
گوادر میں موسلا دھار بارش سے 50 گھر مکمل تباہ جبکہ 90 گھروں کو جزوی طور پر نقصان پہنچا ہے۔
بارش سے 15 گھروں کی چار دیواری اور 2 سڑکوں کو بھی نقصان پہنچا ہے۔
مزید پڑھیں: بارش و برفباری کا سلسلہ کب تک رہنے والا ہے ؟آ ج ملک کے مختلف علاقوں میں موسم کی صورتحال جانیں
محکمہ پی ڈی ایم اے کے مطابق کیچ میں موسلا دھار بارش کے باعث 5 گھر مکمل طور پر تباہ ہوئے، 20 کو جزوی طو پر نقصان پہنچا۔
اس دوران کیچ میں 2 سڑکیں اور 1 پل بھی سیلابی ریلے کی زد میں آیا، کوئٹہ میں بھی موسلادھار بارش سے 2 گھر مکمل طور پر تباہ ہوئے۔
