ذرائع کے مطابق وزیراعلیٰ پنجاب مریم نواز نے راؤ عبدالکریم کو نیا آئی جی پنجاب پولیس تعینات کرنے کی منظوری دے دی۔
واضح رہے کہ اس سے قبل خبر سامنے آئی تھی کہ سی سی پی او لاہور بلال صدیق کمیانہ آئی جی پنجاب کے مضبوط امیدوار ہیں جبکہ وسیم سیال کا نام بھی آئی جی پنجاب کے لئے زیر غور آیا۔
پولیس ذرائع کا بتانا ہے کہ ڈاکٹر عثمان انور کو سیکرٹری داخلہ تعینات کیے جانے کا امکان ہے۔
پنجاب پولیس میں کانسٹیبل کی بھرتی سے متعلق اہم فیصلہ جاری
ذرائع کا یہ بھی بتانا ہے کہ وفاقی حکومت نے ڈاکٹر عثمان انور کی خدمات مانگ لیں،ڈاکٹر عثمان انور کی پنجاب سے وفاق میں بطور ڈائریکٹر جنرل (ڈی جی) وفاقی تحقیقاتی ادارے (ایف آئی اے) تعیناتی متوقع ہے۔
خیال رہے کہ ڈاکٹر عثمان انور کے پاس فیڈرل انویسٹی گیشن ایجنسی (ایف آئی اے) میں کام کرنے کا وسیع تجربہ ہے جبکہ وہ پنجاب میں بطور آئی جی پنجاب گزشتہ تین برس سے خدمات سرانجام دے رہے ہیں۔
