نئی دہلی(روشن پاکستان نیوز) نئی دہلی میں پاکستانی ہائی کمیشن کے مطابق بھارت کی مختلف جیلوں سے رہا ہونے والے 67 پاکستانی قیدی واہگہ بارڈر کے ذریعے وطن واپس پہنچ گئے ہیں۔
رہا کیے گئے افراد میں 19 عام شہری اور48 ماہی گیر شامل ہیں، جنہیں بھارتی حکام نے قانونی کارروائی مکمل کرنے کے بعد پاکستان کے حوالے کیا۔
پاکستانی ہائی کمیشن کے بیان میں کہا گیا ہے کہ ان قیدیوں کی رہائی دو طرفہ سفارتی رابطوں اورمستقل کوششوں کا نتیجہ ہے۔
دہلی میں موجود پاکستانی ہائی کمیشن نے قیدیوں کی بحفاظت واپسی کوخوش آئند قراردیتے ہوئے کہا ہے کہ حکومت پاکستان تمام پاکستانی قیدیوں کی رہائی کیلئے کوشاں ہے اوراس حوالے سے بھارت سے مسلسل رابطے میں ہے۔
ہائی کمیشن نے مزید کہا کہ قونصلررسائی، قانونی معاونت اورانسانی بنیادوں پررہائی جیسے معاملات میں پیش رفت جاری ہے، بھارت میں قید دیگرپاکستانی شہریوں کی رہائی کے لیے بھی کوششیں جاری رکھی جائیں گی۔
مزید پڑھیں: ’عاطف اسلم یا علی ظفر؟‘، بھارتی اداکارہ کرینہ کپور کا دلچسپ جواب
واپس آنے والے قیدیوں کوپاکستانی حکام نے واہگہ بارڈرپرخوش آمدید کہا جبکہ ان کے طبی معائنے اور قانونی کارروائی کے بعد گھروں کو روانہ کردیا جائے گا۔
