جمعه,  19 اپریل 2024ء
اکبرایس بابر کا پی ٹی آئی انٹرا پارٹی الیکشن کو پھر چیلنج کرنے کا اعلان

اسلام آباد(روشن پاکستان نیوز)پاکستان تحریک انصاف (پی ٹی آئی )کے بانی رہنما  اکبر ایس بابر نے پی ٹی آئی کے 3 مارچ کو ہونے والے انٹرا پارٹی انتخابات کو  چیلنج کرنے کا اعلان کر دیا۔

تفصیلات کے مطابق پی ٹی آئی قیادت نے 3 مارچ 2024 کو الیکشن کے انعقاد کا اعلان کیا ہے جس پر پی ٹی آئی کے بانی رہنما اکبر ایس بابر نے کہاہے کہ وہ اس فیصلے کو الیکشن کمیشن آف پاکستان میں بہت جلد چیلنج کریں گے۔ اس سلسلے میں قانونی مشاورت جاری ہے،انہوں نے کہا کہ 22 دسمبر 2023 کے الیکشن کمیشن کے فیصلے کے مطابق تمام موجودہ پی ٹی آئی قیادت کالعدم ہو چکی ہے۔یہاں تک کہ سپریم کورٹ کے فیصلے میں بیرسٹر گوہر خان کو “خود نامزد کردہ” پی ٹی آئی کا چیرمین قرار دیا تھا۔ لہٰذا اس خود ساختہ اور خود نامزد کنندہ کالعدم پی ٹی آئی قیادت کا انٹرا پارٹی الیکشن کے حوالے سے کسی نئی مہم جوئی کا بھر پور قانونی اور سیاسی میدان میں مقابلہ کیا جائے گا۔

مزیدپڑھیں:عظمیٰ خان اور علیمہ خان کی ضمانت میں توسیع ،بہنوں نے عدالت میں اپنی ہی پارٹی کی اہم سیاسی شخصیت کو ڈانٹ پلا دی

  انہوں نے مطالبہ کیا جب تک پی ٹی آئی کی قانونی حیثیت بحال نہیں ہوتی، پی ٹی آئی کی کالعدم قیادت کا پی ٹی آئی وسائل بشمول دفتر اور بینک اکاؤنٹس کا استعمال غیر قانونی ہے جس پر پابندی عائد کی جائے۔

مزید خبریں

FOLLOW US

Copyright © 2024 Roshan Pakistan News