اسلام آباد(روشن پاکستان نیوز)  وفاقی وزیر اطلاعات عطا اللہ تارڑ نے کہا ہے کہ دہشت گردوں کے خلاف بات کرنے پر علی امین گنڈا پور کی ٹانگیں کانپتی ہیں۔

وفاقی وزیر اطلاعات عطا اللہ تارڑ نے تقریب سے خطاب کرتے ہوئے کہا کہ خیبرپختونخوا سے ن لیگ کے تمام عہدیداروں کی نمائندگی موجود ہے۔ کارکنان پارٹی کا قیمتی سرمایہ ہیں۔ اور اختیار ولی مشکل وقت میں ن لیگ کے ساتھ کھڑے رہے۔ خیبر پختونخوا کے غیور عوام نے کبھی ساتھ نہیں چھوڑا۔

انہوں نے کہا کہ گزشتہ دور فسطائیت کا تھا۔ لیکن ہم 28 مئی والے ہیں۔ اور کہا تھا کہ پی ٹی آئی والے بھاگ جائیں گے۔ 9 مئی والوں نے اپنے ہی ملک کو نقصان پہنچایا۔

یہ بھی پڑھیں: شہداء کا احترام ہر پاکستانی پر مقدس فرض ہے، آرمی چیف

عطا اللہ تارڑ نے کہا کہ موٹرویز کا جال خیبرپختونخوا سے گزر رہا ہے۔ پاکستان تحریک انصاف (پی ٹی آئی) والے نسل درنسل غلام ہیں۔ جبکہ ملک کے ڈیفالٹ کی باتیں کرنے والوں کی خواہش پر پانی پھیر دیا گیا۔

انہوں نے کہا کہ دہشت گردوں کے خلاف بات کرنے پر علی امین گنڈا پور کی ٹانگیں کانپتی ہیں۔