اسلام آباد(روشن پاکستان نیوز) بیمان بنگلہ دیش ایئرلائنز نے پاکستان میں مسافر اور کارگو خدمات کے لیے آف لائن جنرل سیلز ایجنٹ (GSA) کے تقرر کے لیے درخواستیں طلب کر لی ہیں۔

ایئرلائن کے مطابق، پاکستان میں جی ایس اے کی تقرری کا مقصد مقامی سطح پر مسافروں اور کارگو سروسز کو بہتر بنانا اور مارکیٹ میں اپنی موجودگی کو مزید مضبوط کرنا ہے۔

دلچسپی رکھنے والے ادارے یا کمپنیاں جو ہوا بازی کے شعبے میں تجربہ رکھتی ہوں، وہ مقررہ طریقہ کار کے تحت اپنی درخواستیں جمع کروا سکتی ہیں۔

مزید پڑھیں: پاک فضائیہ کا میراج طیارہ وہاڑی کے قریب گر کر تباہ، دونوں پائلٹ محفوظ

بیمان بنگلہ دیش ایئرلائنز نے واضح کیا ہے کہ درخواست دہندگان کو ضروری تقاضے پورے کرنے ہوں گے اور تفصیلات متعلقہ ویب سائٹ یا نوٹس کے ذریعے فراہم کی گئی ہیں۔

یہ اقدام پاکستان اور بنگلہ دیش کے درمیان فضائی رابطوں کو مزید مستحکم بنانے کی کوششوں کا حصہ ہے۔