اسلام آباد(روش پاکستا ن نیوز) ڈسٹرکٹ اینڈ سیشن کورٹ اسلام آباد نے دفعہ 144 کی خلاف ورزی کے مقدمات میں پی ٹی آئی کے رہنماؤں عمر ایوب، عامر ڈوگر اور عامر مغل کے وارنٹ گرفتاری جاری کر دیئے۔
جوڈیشل مجسٹریٹ شہزاد خان نے چیئرمین پی ٹی آئی بیرسٹر گوہر ، عمر ایوب اور دیگر کے خلاف دفعہ 144 کی خلاف ورزی کے مقدمات کی سماعت کی۔
عدالت نے دوران سماعتِ عمر ایوب ،عامر ڈوگر اور عامر مغل کے عدم حاضری پر وارنٹ گرفتاری جاری کر دیئے جبکہ شعیب شاہین اور بیرسٹر گوہر کی حاضری سے استثنیٰ کی درخواست منظور کر لی۔
مزید پڑھیں: شیر افضل مروت پی ٹی آئی کے اندرونی سیاست پر کھل کربول پڑے
بعد ازاں عدالت نے سماعت 23 اپریل تک ملتوی کر دی۔ واضح رہے کہ چیئرمین پی ٹی آئی بیرسٹرگوہر و دیگر کیخلاف تھانہ آئی 9 میں 2 مقدمات درج ہیں۔
