اسلام آباد (روشن پاکستان نیوز)پی ٹی آئی رہنما بیرسٹر گوہر کا کہنا ہے کہ عدلیہ سے ہمیں حسن اور حسین نواز کی طرح انصاف کی توقع ہے۔
میڈیا سے گفتگو کرتے ہوئے انہوں نے کہا کہ انہیں عدلیہ پر بھروسہ ہے، امید ہے کہ ہمیں جلد انصاف ملے گا۔
ان کا کہنا ہے کہ آج پی ٹی آئی بانی سے سیاسی معاملات پر بات ہوئی ہے، ایسے خدشات حکومت کی ناقص پالیسی کی وجہ سے پیدا ہوتے ہیں۔
بیرسٹر گوہر نے کہا کہ پی ٹی آئی کے دور میں افغانستان کے ساتھ ایسے واقعات کبھی نہیں ہوئے، شیر افضل مروت قومی اسمبلی کی پبلک اکاؤنٹس کمیٹی کی چیئرمین شپ کے لیے ہمارے امیدوار ہوں گے۔
انہوں نے کہا کہ ہم کل سپیکر کو باضابطہ خط لکھیں گے، ہم نے آئی ایم ایف کو خط لکھا ہے، انہیں یاد دلایا ہے، ہم نے یہاں سے کسی کو منظم اور احتجاج کے لیے نہیں بھیجا، اگر سمندر پار پاکستانی احتجاج کریں گے۔ انہیں روک نہیں سکتے۔
پی ٹی آئی رہنما نے کہا کہ مخصوص نشستوں کے معاملے پر ہم سب متفق ہیں، کوئی بھی سیاسی جماعت آرٹیکل 51 کے مطابق جیتی گئی نشستوں سے زیادہ نشستیں حاصل نہیں کر سکتی۔
ان کا کہنا ہے کہ القادر ٹرسٹ کیس کی سماعت جاری ہے، ساتویں گواہ کا بیان قلمبند کیا جا رہا ہے۔ جیل کے چاروں طرف رکاوٹوں کی وجہ سے 2 کلومیٹر پیدل چلنا پڑتا ہے۔
بیرسٹر گوہر نے مزید کہا کہ حسن اور حسین نواز 7 سال بعد پاکستان آئے، ان کے خلاف سپریم کورٹ کا فیصلہ اور جے آئی ٹی کی رپورٹ ہے، دونوں ایک دن عدالت میں پیش ہوئے اور اگلے روز ان کے خلاف تمام مقدمات ختم ہو گئے۔
ان کا یہ بھی کہنا تھا کہ حسین اور حسین نواز کے ریفرنسز کئی دہائیوں سے چل رہے ہیں، جس کے لیے کسی ثبوت کی ضرورت نہیں، ہمیں امید ہے کہ عدلیہ ہمیں ان کی طرح انصاف دے گی۔
