گوجرانوالہ (دلشاد علی )گوجرانوالہ میں ٹرانسجینڈر کمیونٹی نے آج ڈپٹی کمشنر فیاض موہل اور ایڈیشنل کمشنر جنرل شبیر بٹ کا شکریہ ادا کرنے کے لیے ڈپٹی کمشنر آفس میں کثیر تعداد میں شرکت کی تفصیلات کے مطابق گوجرانوالہ کی تاریخ میں پہلی مرتبہ ایک ٹرانسجینڈر کو شہری دفاع میں فوکل پرسن کی نوکری ملنے پر ٹرانسجینڈر کمیونٹی میں خوشی کی لہر دوڑ گئی ۔
ٹرانسجینڈر نگاہیں حامد نے اپنی کمیونٹی کے ہمراہ ڈپٹی کمشنر فیاض موہل اور اے ڈی سی جی شبیر بٹ کا شکریہ ادا کیا اور پھولوں کے ہار بھی پہنا، اور مزید نگاہیں حامد نے کہا کہ ہماری کمیونٹی میں بہت پڑھے لکھے ٹرانسجینڈر موجود ہیں جن کو اگر گورنمنٹ موقع دے تو ہم سب بھی نارمل مرد و خواتین کی طرح ملک و قوم کی خدمت کر سکتے ہیں۔
پوری ٹرانسجینڈر کمیونٹی نے کمشنر گوجرانوالہ ڈپٹی کمشنر گوجرانوالہ اور ایڈیشنل کمشنر جنرل شبیر بٹ کے حق میں ڈی سی آفس میں نعرے لگائے اور فوکل پرسن کوٹہ سے سول ڈیفنس میں نگاہیں حامد کو نوکری دینے کا سب نے شکریہ ادا کیا اور شبیر بٹ کی ترقی کے لیے دعائیں کیں۔
