اسلام آباد (نیوزڈیسک) آج دنیا بھر میں خواتین کا عالمی دن منایا جا رہا ہے اور اس دن کے حوالے سے پاکستان میں بھی آج تقریبات کا اہتمام کیا جائے گا۔
خواتین جدید سائنس اور ٹیکنالوجی کے میدان اور کھیتوں سے لے کر کھلیانوں تک مردوں کے شانہ بشانہ کھڑی ہیں، اس لیے خواتین کے عالمی دن کے موقع پر آج ملک بھر میں ریلیاں، واک، سیمینارز اور تقریبات کا انعقاد کیا جائے گا۔
خواتین کے عالمی دن کے موقع پر وزیراعظم شہباز شریف نے کہا کہ آج کا دن ہر شعبے میں خواتین کی کامیابیوں کو تسلیم کرنے کا دن ہے، خواتین کو مساوی حقوق کی فراہمی حکومت کی ترجیح ہوگی۔
واضح رہے کہ خواتین کا عالمی دن پہلی بار اقوام متحدہ کی جانب سے 1975 میں خواتین کے عالمی سال کے موقع پر منایا گیا تھا۔
