بھارتی ٹی وی انڈسٹری کی معروف ہدایت کار اور پروڈیوسر ایکتا کپور نے پاکستانی ڈرامہ سیریل تیرے بن کا ریمیک بنانے کا اعلان کیا ہے۔ اس ڈرامہ سیریل نے دنیا بھر میں مقبولیت کے نئے ریکارڈ قائم کیے، جسے ایکتا کپور اب بھارتی انداز میں پیش کرنے جارہی ہیں۔
ایکتا کپور کی جانب سے اعلان کیا گیا ہے کہ اس ڈرامے کے ہندوستانی ورژن کا نام بھی تیرے بن ہوگا۔ بھارت میں ڈرامے کا یہ ریمیک رواں سال جولائی سے ٹی وی چینل کلرز ٹی وی پر نشر کیا جائے گا۔ ایکتا کپور نے اس ڈرامے کے لیے اداکارہ کنیکا مان اور عائشہ سنگھ کو شامل کیا ہے۔
