لاہور (نیوز ڈیسک )لاہور کی ضلعی انتظامیہ نے حضرت شاہ حسین المعروف مادھو لال حسین کے سالانہ عرس کی تقریبات کے موقع پر 2 مارچ 2024 کو عام تعطیل کا اعلان کیا ہے۔

واضح رہے کہ مادھو لال حسین کی زندگی اور تعلیمات کے حوالے سے سالانہ تین روزہ تقریبات صوبائی دارالحکومت میں شروع ہونے والی ہیں۔

تفصیلات کے مطابق سیکرٹری اوقاف ڈاکٹر طاہر رضا اولیاء اللہ کی قبر پر روایتی چادر چڑھا کر تقریبات کا افتتاح کریں گے۔

ایک مقامی میڈیا آؤٹ لیٹ نے بتایا کہ محکمہ اوقاف کی جانب سے عرس کے لیے 459,000 روپے کا بجٹ مختص کیا گیا ہے۔ مزید برآں، مقامی قانون نافذ کرنے والے اداروں نے تمام زائرین کی حفاظت کو یقینی بنانے کے لیے جامع حفاظتی اقدامات کیے ہیں۔