لاہور (روشن پاکستان نیوز) سابق وزیراعظم شاہد خاقان عباسی نے سیاسی میدان میں سرگرم رہتے ہوئے نئی سیاسی جماعت بنانے کا اعلان کردیا۔
نجی ٹی وی کے مطابق شاہد خاقان عباسی نے کہا کہ سیاسی جماعتیں ملکی مسائل پر بات نہیں کر رہیں، پاکستان کو جن مسائل کا سامنا ہے وہ حالیہ الیکشن کے دوران انتخابی مہم کے دوران نہیں اٹھائے گئے۔
ان کا مزید کہنا تھا کہ ملک میں کرپشن پر آج تک کسی کو سزا نہیں دی گئی، سیاستدان ایک دوسرے کو کرپٹ کہنا بند کریں اور ملکی مسائل کا حل تلاش کریں۔
